ថ្ងៃអង្គារ ២ កើត ខែស្រាពណ៏ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ១០ ខែសីហាឆ្នាំ២០២១
លោកឧត្ដមសេនីយ៍ត្រី ម៉ុន មាគ៌ា ប្រធាគណៈកម្មាធិការ សមាគមអតីតយុទ្ធជនកម្ពុជា ខេត្តត្បូងឃ្មុំ បានដឹកនាំកិច្ចប្រជុំការងាររៀបចំការចាក់វ៉ាក់សាំង ដូសជម្រុញ ឫដូសទី៣ជូនសមាជិក
សមាគមអតីតយុទ្ធជន តាមរយៈកម្មវិធីវីដេអូ Zoom Meeting ដោយមានការអញ្ជើញចូលរួមពីលោកអនុប្រធានគណៈកម្មាធិការ សអក ខេត្ត លោកប្រធាន អនុប្រធាន គណៈកម្មាធិការ សអក ក្រុង ស្រុក លោកប្រធាន អនុប្រធាន លេខាធិការដ្ឋាន ស.អ.ក ខេត្ត និងលោកលោកប្រធាន អនុប្រធាន លេខាធិការដ្ឋាន ស.អ.ក ក្រុង ស្រុក ដោយដាក់ចេញនូវផែនការមួយចំនួន មានដូចខាងក្រោមៈ
-រៀបចំទីតាំងសម្រាប់ចាក់វ៉ាក់សាំង នៅតាមបណ្ដា ក្រុង ស្រុក ។
-បែងចែកក្រុមការងារចុះត្រួតពិនិត្យសម្របសម្រួស ដំណើរការចាក់វ៉ាក់សាំង តាមបណ្ដា ក្រុង ស្រុក ។
-ធ្វើការផ្សព្វផ្សាយដល់អតីតយុទ្ធដែលបានចាក់វ៉ាក់សាំងដូសទី២ និងត្រៀមចាក់វ៉ាក់សាំងដូសទី៣
-រៀបចំក្រុមការងារដឹកជញ្ចូនអតីតយុទ្ធជន ទៅចាក់វ៉ាក់សាំង
-ត្រៀមចុះសួរសុខទុក្ខអតីតយុទ្ធជន
លោកឧត្តមសេនីយ៍ប្រធានគណៈកម្មាធិការ ស.អ.ក ខេត្ត សូមអំពាវនាវដល់អតីតយុទ្ធជនទាំងអស់ ដែលបានចាក់វ៉ាក់ដូសទី២ រួចត្រៀមខ្លួនចាក់វ៉ាក់សាំងដូសទី៣ ដែលជាដូសជម្រុញ ឫដូសទី៣ និងសូមបន្តចូលរួមអនុវត្តន៍វិធានការ ៣កុំ ៣ការពារ របស់ប្រមុខរាជរដ្ឋាភិបាល និងវិធានការនានារបស់ក្រសួងសុខាភិបាលដើម្បីបន្តការពារទប់ស្កាត់ការរីករាលដាលនៃជំងឺឆ្លងកូវីដ-១៩ ( Covid-19)។
