ថ្ងៃចន្ទ១៤រោចខែស្រាពណ៍ត្រីស័ក ព.ស ២៥៦៥ត្រូវនឹងថ្ងៃទី០៦ខែកញ្ញា ឆ្នាំ២០២១ឯកឧត្តម សាយ សំអាល់រដ្ឋមន្ត្រីក្រសួងបរិស្ថានបានទទួលជួបសំណេះសំណាល និងផ្តល់អនុសាសន៍ដល់បេក្ខជនជ័យលាភីអាហារូបករណ៍ការអភិវឌ្ឍធនធានមនុស្សរបស់ប្រទេសជប៉ុន(JDS-2020)ចំនួន២៦
នាក់មុននឹងប្អូនត្រូវចេញដំណើរទៅសិក្សានៅប្រទេសជប៉ុននាពេលខាងមុខនេះ។
ឯកឧត្តមរដ្ឋមន្រ្ដីក៏បានថ្លែងអបអរសាទរចំពោះប្អូនៗអ្នកបន្តវេនដើម្បីជួយលើកស្ទួយដល់ប្រទេសជាតិនិងទទួលបានឱកាសអភិវឌ្ឍន៍សមត្ថភាពជាពិសេសឱកាសសិក្សាស្វែងយល់ផ្ទាល់នៅប្រទេសជប៉ុនអំពីភាពជោគជ័យ ភាពខ្លាំងមានបទពិសោធន៍ល្អៗនៃប្រពន្ធ័រៀបចំសង្គម សេដ្ឋកិច្ច ឧស្សាហ៍កម្មនិងសហគ្រិនភាពរបស់ជប៉ុន។
បន្ថែមលេីសពីនេះ ឯកឧត្តមរដ្ឋមន្ត្រី ក៏បានចែករំលែកបទពិសោធន៍នៅក្នុងការទៅសិក្សាក្រៅប្រទេស ជាពិសេសលើកទឹកចិត្តឱ្យប្អូនៗការខិតខំប្រឹងប្រែងរៀនសូត្រដើម្បីអភិវឌ្ឍន៍លើសមត្ថភាពខ្លួនហើយថែម បង្កេីតទំនាក់ទំនងល្អៗជាមួយមិត្តបរទេស ស្គាល់ការវិវត្តន៍ពិភពលោកបានស្គាល់ជប៉ុននិងស្គាល់ខ្លួនឯងដេីម្បីយកចំណេះនិងជំនាញមកអភិវឌ្ឍន៍សង្គមជាតិកម្ពុជាផងដែរ៕
