រដ្ឋបាលរាជធានីភ្នំពេញបានសម្រេចបិទកំណាត់ផ្លូវទំនប់បឹងទំពន់លេខ៣៧១ នៅត្រង់ចំណុច ការដ្ឋានសាងសង់ស្ថានីយបូមទឹកបឹងទំពន់ ៣ ខែ ចាប់ពីថ្ងៃទី ៦ ខែកញ្ញាដល់ថ្ងៃទី ៥ ខែវិច្ឆិកា ឆ្នាំ ២០២១។
ការសម្រេចបិទកំណាត់ផ្លូវទំនប់បឹងទំពន់នេះ ដើម្បីការដ្ឋានសាងសង់ស្ថានីយបូមទឹកបឹងទំពន់ ៣ ខែ ដូចនេះប្រជាពលរដ្ឋត្រូវពង្វាងផ្លូវតាមការណែនាំរបស់អាជ្ញាធររាជធានីភ្នំពេញ។ ក្នុងផែនការបិទផ្លូវទំនប់ និងសាងសង់ស្ថានីយបូមទឹក គឺដើម្បីដោះស្រាយបញ្ហាទឹកជំនន់ជន់លិចនៅតំបន់ភូមិសាស្ត្រ ខណ្ឌមានជ័យ ទួលគោក សែនសុខ និងពោធិ៍សែនជ័យ។
រដ្ឋបាលរាជធានីភ្នំពេញ កំពុងសាងសង់ស្ថានីយបូមទឹកបឹងទំពន់បន្ថែម ដោយបំពាក់ម៉ូទ័រទំហំ ១ ម៉ែត្រ ២ គ្រឿង មានសមត្ថភាពបូមទឹក ៦ ម៉ែត្រគូបក្នុង ១ វិនាទី ដែលដំណើរការសាងសង់នេះឈានដល់ដំណាក់កាលកាត់សាច់ផ្លូវ ដើម្បីបង្កប់បំពង់បូមទឹក ៣ ខ្សែ នៅក្រៅផ្លូវលេខ ៣៧១៕
