ឯកឧត្តមវ៉ី សំណាងមានក្តីសង្ឃឹមផ្តើមចេញពីទឹកចិត្តសប្បុរសធម៌សម្រាប់កុមារកំព្រាចំនួន៤២នាក់ដែលកំពុងរស់នៅក្នុងមណ្ឌលកុមារកំព្រាខេត្តកំពង់ស្ពឺដែលជាសមាគមសម្ព័ន្ធពាណិជ្ជករនិងឧស្សាហកម្មនៅកម្ពុជាបាននាំយកសម្ភារៈសិក្សាទៅចែកជូននិងសួរសុខទុក្ខក្នុងគោលបំណងលើកទឹកចិត្តពួកគេឱ្យទទួលបានភាពកក់ក្តៅពីសង្គម។
លើកឡើងនៅក្នុងឱកាសនោះលោក វ៉ី សំណាង អភិបាលខេត្តកំពង់ស្ពឺបានថ្លែងថា ការចែកជូននូវសម្ភារៈសិក្សាដល់ក្មេងកុមារកំព្រាទាំង៤២នាក់របស់សមាគមសម្ព័ន្ធពាណិជ្ជករនិងឧស្សាហកម្មនៅកម្ពុជាដែលដឹកនាំដោយលោកស្រី ឈុន ស៊ីន គឺបានបង្ហាញនូវសន្តានទឹកចិត្តអាណិតស្រឡាញ់ គិតគូរពីសុខទុក្ខក្មួយៗដែលកំពុងរស់នៅជុំគ្នាក្នុងមណ្ឌលកុមារកំព្រាខេត្តកំពង់ស្ពឺ។មួយវិញទៀតការផ្តល់ជាសម្ភារៈសិក្សានាពេលនេះទៀតសោតក៏ស្របពេលដែលវិស្សមកាលឆ្នាំថ្មីត្រៀមនិងបើកឡើងវិញផងដែរ។
អភិបាលខេត្តកំពង់ស្ពឺបានថ្លែងទៀតថាការផ្តល់នូវសម្ភារៈសិក្សានិងការចុះមកសាកសួរសុខទុក្ខពីសំ ណាក់សមាគមសម្ព័ន្ធពាណិជ្ជករនិងឧស្សាហកម្មនៅកម្ពុជាក៏បានផ្តល់នូវកម្លាំងចិត្តនិងភាពកក់ក្តៅសម្រាប់ក្មេងកំព្រាទាំងអស់នៅទីនេះផងដែរ មួយវិញទៀតបានផ្តល់ឱកាសឱ្យពួកគេអាចបន្តការសិក្សាបានកាន់ខ្ពស់ប្រកបដោយភាពជឿជាក់ពីថ្នាក់ដឹកនាំ។
សូមបញ្ជាក់ផងដែរថាអំណោយរបស់លោកជំទាវ ឈុន ស៊ីន និង សមាគមសម្ព័ន្ធពាណិជ្ជករ និង ឧស្សា ហកម្ម នៅកម្ពុជាដែលបានផ្តល់ឱ្យកុមារកំព្រាក្នុង” មណ្ឌលកុមារកំព្រាខេត្តកំពស្ពឺចំនួន៤២នាក់ រួមមាន÷ អាវ កាបូប សៀវភៅ ជ័រលុប ខ្មៅដៃ កន្ត្រៃ ម៉ាស កង់ អង្ករ សាប៊ូ ថ្នាំដុសធ្មេញ បាល់ កំសៀវអគ្គីសនី ថវិកា១០០០ដុល្លានិងគ្រឿងឧបភោគជាច្រៀនទៀត៕
