នាព្រឹកថ្ងៃទី៣១ ខែមករា ឆ្នាំ២០២៤នេះ នៅសាលប្រជុំស្នងការដ្ឋាននគរបាលខេត្ដកំពង់ស្ពឺ មានកិច្ចប្រជុំបូកសរុបដកពិសោធន៍រឹតបន្ដឹងច្បាប់ចរាចរណ៍ផ្លូវគោក និងផ្សព្វផ្សាយផែនការរបស់អគ្គស្នងការដ្ឋាននគរបាលជាតិ លេីការរឹតបន្ដឹងពង្រឹងការអនុវត្តច្បាប់ចរាចរណ៍ផ្លូវគោក ជូនដល់កងកម្លាំងនគរបាលចរាចរណ៍ទូទាំងខេត្ដកំពង់ស្ពឺ ។
កិច្ចប្រជុំក្រោមអធិបបតីភាព លោកឧត្ដមសេនីយ៍ទោ សម សាមួន ស្នងការ នគរបាលខេត្ដកំពង់ស្ពឺ និងមានការអញ្ជេីញចូលរួមពីសំណាក់ លោក ស្នងការរង ទទួលផែនការងារសណ្ដាប់ធ្នាប់ ស្នងការរង ពាក់ព័ន្ធ លោក នាយ នាយរង ការិយាល័យចរាចរណ៍ លោកអធិការដ្ឋាននគរបាលស្រុក ក្រុង លោក នាយផ្នែក នាយរងផ្នែក លោក អធិការរង ទទួលការងារសណ្ដាប់ធ្នាប់ ទូទាំងខេត្ត ព្រមទាំងមន្រ្ដីជំនាញពាក់ព័ន្ធមួយចំនួនទៀត ។
ឆ្នាំ២០២៣បទល្មេីសចរាចរណ៍មានការថយចុះ ប៉ុន្តែកេីនឡេីងនូវបទល្មេីសមួយចំនួនដែលបង្កឡេីងដោយការឆ្វេសប្រហែស អ្នកបេីកបរមានជាតិស្រវឹង និងការមិនគោរពច្បាប់ចរាចរណ៍ ជាបទពិសោធន៍កំលាំងនគរបាលចរាចរណ៍បានខិតខំប្រឹងប្រែងយកចិត្ដទុកដាក់ខ្ពស់លេីការសម្របសម្រួលការងារទាំងថៃ្ងទាំងយប់ ខិតខំផ្សព្វផ្សាយដល់អ្នកបេីកបរគ្រប់ រួមមានអ្នកដឹកកម្មករ កម្មការិនីរោងចក្រ អ្នកដឹកសិស្សានុសិស្ស ម្ចាស់អាជីវកម្មដឹកជញ្ជូន និងមុខសញ្ញាមួយចំនួនទៀត ។
ក្នុងឱកាសនេះលោកស្នងការ បានដាក់បញ្ជាអោយកងកម្លាំងនគរបាលបន្ដយុទ្ធនាការរឹតបន្ដឹងច្បាប់ចរាចរណ៍ផ្លូវគោក ពិសេសត្រួតពិនិត្យជាតិអាល់កុលលើអ្នកបើកបរយានយន្ដគ្រប់ប្រភេទសំដៅកាត់បន្ថយគ្រោះថ្នាក់ចរាចរណ៍ ក្នុងនោះផងដែរ សូមការអង្វរកកុំឱ្យមានការពាក់ព័ន្ធនិងការកាងរថយន្ដខុសច្បាប់។
មន្រ្ដីនគរបាលចរាចរណ៍ត្រូវប្រកាន់ខ្ជាប់នូវវិន័យ សីលធម៌ មានសុជីវធម៌ កាយវិការទន់ភ្លន់ និងមានភាពមុឹងម៉ាត់ដាច់ខាតចំពោះការងារ ម្យ៉ាងទៀតសំណូមពរមន្ត្រីថ្នាក់ខេត្តស្រុក ឃុំត្រូវមានចំណាត់ការផាកពិន័យឱ្យបានត្រឹមត្រូវ និងស្របតាមនីតិវិធីកំណត់របស់ច្បាប់ កុំអនុវត្ដប្រព្រឹត្ដផ្ទុយ ត្រីងៀតឆ្លៀតពង កន្ទេលធំ បន្លំដេក #លោកស្នងការសុំម្យ៉ាងកុំធ្វេីឱ្យហួស ៕
