នាព្រឹកថ្ងៃព្រហស្បតិ៍ទី៣១ខែតុលា ឆ្នាំ២០២៤ នេះ នៅសាលប្រជុំរដ្ឋបាលខណ្ឌប្ញស្សីកែវ បានបេីកកិច្ចប្រជុំវិសាមញ្ញលេីកទី៥ អាណត្តិទី៤ របស់ក្រុមប្រឹក្សា
ខណ្ឌប្ញស្សីកែវក្រោមអធិបតីភាព លោក ជុំ បាយ័នវិបុល ប្រធានក្រុមប្រឹក្សាខណ្ឌប្ញស្សីកែវ និងលោក ជិន ប៊ុនធឿន អភិបាលខណ្ឌប្ញស្សីកែវ ព្រមទាំងមានវត្តមានចូលរួមពីសំណាក់ លោកអធិការនគរបាលខណ្ឌ តំណាងមេបញ្ជាការកងរាជអាវុធហត្ថខណ្ឌ សមាជិក សមាជិកាក្រុមប្រឹក្សាខណ្ឌ គណៈអភិបាលខណ្ឌ គណៈនាយករដ្ឋបាលខណ្ឌ លោក លោកស្រីប្រធានការិយាល័យទាំង១១ លោកចៅសង្កាត់ទាំង៧ និងអង្គភាពពាក់ព័ន្ធ ព្រមទាំងមន្ដ្រី សរុបចំនួន៨៤នាក់ ។
របៀបវារៈនៃកិច្ចប្រជុំរួមមាន៖
១- ពិនិត្យ និងអនុម័តលើ សេចក្តីព្រាង កំណត់ហេតុ នៃកិច្ចប្រជុំសាមញ្ញលើកទី៤ របស់ក្រុមប្រឹក្សាខណ្ឌប្ញស្សីកែវ អាណត្តិទី៤
កាលពីថ្ងៃទី២៧ ខែកញ្ញា ឆ្នាំ២០២៤។
២- ពិនិត្យ និងអនុម័តលើ សេចក្តីព្រាង របាយការណ៍ ស្ដីពីការអនុវត្តសកម្មភាពការងាររបស់រដ្ឋបាល ខណ្ឌឫស្សីកែវ
ប្រចាំខែតុលា ឆ្នាំ២០២៤ ។
៣- ពិនិត្យ និងអនុម័តលើ សេចក្តីព្រាង របាយការណ៍ ស្ដីពីវេទិកាផ្សព្វផ្សាយ និងពិគ្រោះយោបល់របស់ ក្រុមប្រឹក្សា
ខណ្ឌប្ញស្សីកែវ អាណត្តិទី៤។
៤- ពិនិត្យ និងអនុម័តលើ សេចក្តីព្រាងដីកា ស្តីពីការលើកលែងការបង់ថ្លៃសេវា ការបញ្ជាក់វិញ្ញាបនបត្រ
មធ្យមសិក្សាបឋមភូមិ វិញ្ញាបនបត្រមធ្យមសិក្សាទុតិយភូមិ និងវិញ្ញាបនបត្របញ្ជាក់ការសិក្សាថ្នាក់ទី១២
សម្រាប់ឆ្នាំ២០២៤។
៥- ពិនិត្យ និងអនុម័តលើ សេចក្តីព្រាង តារាងសរុបផែនការលទ្ធកម្មកែតម្រូវប្រចាំឆ្នាំ២០២៤ របស់រដ្ឋបាលខណ្ឌប្ញស្សីកែវ ។
៦- ពិនិត្យ និងអនុម័តលើសេចក្តីព្រាង តារាងបែងចែកប្រាក់រង្វាន់លើកទឹកចិត្ត ជូនមន្ត្រីរាជការប្រចាំខែតុលា ឆ្នាំ២០២៤
របស់រដ្ឋបាលខណ្ឌប្ញស្សីកែវ ។
៧- បញ្ហាផ្សេងៗ (បើមាន)៕
