នៅព្រឹកថ្ងៃទី១៥ ខែមិថុនា ឆ្នាំ២០២៦ នេះ ពិធីទិវាសប្តាហ៍ជាតិសុវត្ថិភាពចរាចរណ៍ផ្លូវគោក លើកទី១៧ ត្រូវបានប្រារព្ធឡើងយ៉ាងអធិកអធម នៅបរិវេណមុខមន្ទីរពេទ្យបង្អែកខេត្តកំពត ក្រោមអធិបតីភាពដ៏ខ្ពង់ខ្ពស់របស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។
ក្នុងពិធីដ៏មានសារៈសំខាន់នេះ ក៏មានការអញ្ជើញចូលរួមពី ឯកឧត្តម ម៉ៅ ធនិន អភិបាលនៃគណៈអភិបាលខេត្តកំពត រួមឯកឧត្ដម លោកជំទាវ សមាជិក សមាជិកានៃគណៈកម្មាធិការជាតិសុវត្ថិភាពចរាចរណ៍ផ្លូវគោក ឯកឧត្តមអភិបាលនៃគណ:អភិបាល និងជាប្រធានអនុគណៈកម្មការសុវត្ថិភាពចរាចរណ៍ផ្លូវគោកខេត្តកំពត ខេត្តកែប ខេត្តតាកែវ ខេត្តកំពង់ស្ពឺ និងខេត្តព្រះសីហនុព្រមទាំងថ្នាក់ដឹកនាំក្រសួង-ស្ថាប័នពាក់ព័ន្ធ អាជ្ញាធរដែនដី មន្ត្រីរាជការ កងកម្លាំងប្រដាប់អាវុធ លោកគ្រូ អ្នកគ្រូ សិស្សានុសិស្ស និងបងប្អូនប្រជាពលរដ្ឋយ៉ាងច្រើនកុះករ។
សកម្មភាព និងគោលបំណងសំខាន់ៗក្នុងពិធី៖
ការដាស់តឿនស្មារតី៖ ទិវាសប្តាហ៍ជាតិសុវត្ថិភាពចរាចរណ៍ផ្លូវគោកនេះ ធ្វើឡើងក្នុងគោលបំណងដើម្បីបន្តផ្សព្វផ្សាយ និងអប់រំដាស់តឿនដល់អ្នកប្រើប្រាស់ផ្លូវថ្នល់ទាំងអស់ ឱ្យបង្កើនការប្រុងប្រយ័ត្ន និងចូលរួមគោរពច្បាប់ចរាចរណ៍ឱ្យបានខ្ជាប់ខ្ជួន។
ការរួមគ្នាកាត់បន្ថយគ្រោះថ្នាក់៖ ព្រឹត្តិការណ៍នេះក៏ជាការបង្ហាញពីការរួមរួមកម្លាំងសរុប ទាំងស្ថាប័នរដ្ឋ ឯកជន និងប្រជាពលរដ្ឋគ្រប់រូប ក្នុងការកាត់បន្ថយអត្រាគ្រោះថ្នាក់ និងផលប៉ះពាល់នានាដែលបណ្តាលមកពីគ្រោះថ្នាក់ចរាចរណ៍។
សារដោះស្រាយរួម៖ «ការគោរពច្បាប់ចរាចរណ៍ គឺជាកាតព្វកិច្ចរបស់ពលរដ្ឋគ្រប់រូប ដើម្បីការពារអាយុជីវិតខ្លួនឯង និងអ្នកដទៃ ព្រមទាំងរួមចំណែកលើកកម្ពស់សណ្តាប់ធ្នាប់សង្គម»។
ពិធីនេះបានប្រព្រឹត្តទៅដោយរលូន និងទទួលបានការចាប់អារម្មណ៍យ៉ាងខ្លាំងពីសំណាក់មហាជនក្នុងខេត្តកំពត ដែលនេះជាសញ្ញាណវិជ្ជមានមួយក្នុងការជំរុញវប្បធម៌នៃការបើកបរដោយសុវត្ថិភាពនៅកម្ពុជា៕
