(បន្ទាយមានជ័យ):ថ្ងៃសៅរ៍ ទី០៣ ខែកក្កដា ឆ្នាំ២០២១នេះវរសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុងប៉ោយប៉ែតបានឱ្យដឹងថា ក្រោយពីទទួលបានពាក្យបណ្ដឹងរបស់ជនរងគ្រោះឈ្មោះ ចេង ស្រីមាន ភេទស្រី អាយុ២៣ឆ្នាំ រស់នៅភូមិ-សង្កាត់ និងក្រុងប៉ោយប៉ែត ខេត្តបន្ទាយមានជ័យ ស្ដីពីករណីបាត់ម៉ូតូកាលពីថ្ងៃទី០១ ខែកក្កដា ឆ្នាំ២០២១ រួចមក លោកបានចាត់តាំងកម្លាំងចុះដល់កន្លែងកេីតហតុហេីយធ្វេីការស្រាវជ្រាវរហូតឈានដល់កំណត់មុខសញ្ញាបាន ដល់ថ្ងៃទី០២ ខែ ឆ្នាំដដែលទេីបឃាត់ខ្លួនជនសង្ស័យបានម្នាក់ឈ្មោះ ប្រាក់ រដ្ឋា ភេទប្រុស អាយុ៣៦ឆ្នាំ នៅចំណុចបន្ទប់ជួល ស្ថិតក្នុងភូមិ-សង្កាត់និងក្រុងប៉ោយប៉ែតព្រមទាំងដកហូម៉ូតូ០១គ្រឿងម៉ាកហុងដាហ៊្សូ័រអុិចពណ៌ស្វាយ លាយស ពាក់ស្លាកលេខបន្ទាយមានជ័យ1Q-8323 ដែលជាម៉ូតូរបស់ជនរងគ្រោះហេីយញ្ជូនមកមូលដ្ឋានកងរាជអាវុធហ្ថក្រុងដេីម្បីសួរនាំ។
លោកវរសេនីយ៍ត្រីនួន នីណារ៉ូ បានឱ្យដឹងទៀតថា ក្រោយពីសួរនាំរួច ជនស្ស័យបានឆ្លេីយសារភាពថា រូបគេពិតជាបានលួចយកម៉ូតូដូចមានភិនភាគខាងលេីពិតប្រាកដមែន ដោយសារខ្លួនឃេីញម៉ូតូនោះចតទុកចោលនៅមុខផ្ទះជនរងគ្រោះក្បែរបន្ទប់ជួលរបស់ខ្លួនជារៀងរាល់យប់ ទេីបខ្លួនឆ្លៀតឱកាសលួចយកមករក្សាទុកក្នុងបន្ទប់របស់ខ្លួន ស្រាប់តែស្អែកឡេីងត្រូវបានសមត្ថកិច្ចមកឃាត់ខ្លួនតែម្ដង។
ដោយផ្អែកលេីពាក្យបណ្ដឹងរបស់ជនរងគ្រោះនិងតាមការស្ដាប់ចម្លេីយរបស់ជនសង្ស័យ និងមានវត្ថុតាងផងនោះ ជនសង្ស័យត្រូវបានកម្លាំងជំនាញមូលដ្ឋានកងរាអវុធហត្ថក្រុង កសាងសំណុំរឿងបញ្ជូនមកបញ្ជាការដ្ឋាកងរាជអាវុធហត្ថខេត្តចាត់ការបន្ត។
លោកវរសេនីយ៍ឯក ម៉ែន ភិរម្យ មេបញ្ជាការរងកងរាជអាវុធហត្ថខេត្ត ទទួលការងារយុត្តិធម៌បានបញ្ជាក់ថា ការឃាត់ខ្លួនជនសង្ស័យខាងលើធ្វើឡើងដោយទទួលបានការអនុញ្ញាតពីលោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត និងមានការសម្របសម្រួលពីសំណាក់ ឯកឧត្តម កើត វណ្ណារ៉េត ព្រះរាជអាជ្ញាអមសាលាដំបូងខេត្តផងដែរ បច្ចុប្បន្ន ជនសង្ស័យ រួមនឹងវត្ថុតាងត្រូវបានកម្លាំងការិយាល័យព្រហ្មទណ្ឌកងរាជអាវុធហត្ថខេត្តបញ្ជូនទៅសាលាដំបូងខេត្តចាត់ការតាមច្បាប់ហើយ ។
