សៀមរាប : នៅព្រឹកថ្ងៃទី១៣ ខែវិច្ឆិកា ឆ្នាំ២០២១ នេះ ឯកឧត្ដម សែម សុវណ្ណនី ប្រធានក្រុមការងារគណបក្សប្រជាជនកម្ពុជា ចុះមូលដ្ឋានឃុំខ្នារសណ្តាយនិង ឯកឧត្ដមប្រធានគណៈពង្រឹងមូលដ្ឋានភូមិទាំង៧ បានអញ្ជើញជួបសំណេះសំណាលសួរសុខទុក្ខបងប្អូនក្រុមការងារគណបក្សប្រជាជនកម្ពុជាស្រុក ឃុំ សាខា អនុសាខាបក្សភូមិ និងបេក្ខភាពយុវជនចំនួន ៩២នាក់ ក្នុងនោះស្ត្រីចំនួន ៣៣នាក់ ស្ថិតនៅសាលាឆទានភូមិកកោះជ្រុំ ឃុំខ្នារសណ្តាយ ស្រុកបន្ទាយស្រី ខេត្តសៀមរាប ។
មានប្រសាសន៍ទៅកាន់បងប្អូនប្រជាពលរដ្ឋឯកឧត្ដម សែម សុវណ្ណនី បានលើកឡើងថា :ក្រោមការដឹកនាំប្រកបដោយគតិបណ្តិតរបស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា តាំងពីដើមរៀងមកសម្តេចទាំងទ្វេរ តែងតែយកចិត្តទុកដាក់ជាប់ជាប្រចាំអំពីសុខទុក្ខ និងសុខមាលភាពរបស់បងប្អូនប្រជាពលរដ្ឋយើងគ្រប់ទីកន្លែង ដោយខិតខំស្វែងរកវ៉ាក់សាំងកូវីដ១៩ ចាក់ជូនមន្ត្រីរាជការ និងបងប្អូនប្រជាពលរដ្ឋឱ្យបានគ្រប់ៗគ្នា ទោះបីនៅទីកន្លែងណាក៏ដោយ ។
ជាមួយនេះដែរ ឯកឧត្តម សែម សុវណ្ណនី ក៏បានផ្ដាំផ្ញើដល់បងប្អូនប្រជាពលរដ្ឋត្រូវទៅចាក់វ៉ាក់សាំងកូវីដ១៩ឱ្យបានគ្រប់គ្នា និងបន្តចូលរួមធ្វើអនាម័យជាប្រចាំ ដោយអនុវត្តតាមការណែនាំរបស់ក្រសួងសុខាភិបាលឲ្យបានត្រឹមត្រូវ ព្រមទាំងត្រូវអនុវត្តឲ្យបានម៉ឺងម៉ាត់នូវវិធានការបង្ការ ការពារ និងទប់ស្កាត់ការរីករាលដាលនៃជំងឺកូវីដ-១៩ កុំឲ្យកើតក្នុងគ្រួសារ និងនៅក្នុងមូលដ្ឋានរបស់ខ្លួន ដើម្បីដំណើរការឡើងវិញនូវវិស័យអប់រំ, ទេសចរណ៍ និងសេដ្ឋកិច្ចជាតិយើង៕
តមក ឯកឧត្ដម សែម សុវណ្ណនី និងក្រុមការងារ ក៏បាននាំយកអំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត មួយចំនួនរួមមាន: ឧបត្ថម្ភដល់ បងប្អូនសាខា អនុសាបក្សភូមិ ចំនួន ៧០នាក់ ថវិកា ៣,៥០០,០០០រៀល និងចែកជូនអាវរងារចំនួន ៧០០អាវ សរុបថវិកាអស់ចំនួន ២,៨០០ ដុល្លារ ឧបត្ថម្ភអាវយុវជនចំនួន ៦០អាវ អស់ថវិកាចំនួន ១,៣៨០ដុល្លារ ឧបត្ថម្ភក្រុមការងារស្រុកចំនួន ៥នាក់ អស់ថវិកាចំនួន ៥០០,០០០រៀល ក្រុមការងារបក្សឃុំ៥នាក់ ៥០០,០០០រៀល ក្រុមប្រឹក្សាឃុំ និង ស្មៀនចំនួន ៦នាក់ ថវិកា ៦០០,០០០រៀល បេក្ខជនយុវជន ៦នាក់ ថវិកា ៦០០,០០០រៀល ប្រជាការពារភូមិ១៨នាក់ ៩០០,០០០រៀល ប៉ូលិស២នាក់ ១០០,០០០រៀល និងឧបត្ថម្ភប្រធានក្រុមបក្សភូមិបន្ទាយស្រី ១នាក់ ២០០,០០០រៀល សម្រាប់ព្យាបាលជម្ងឺប្រចាំកាយ ផងដែរ ។
សរុបថវិកាទាំងអស់ ចំនួន ៤,៧៨០ដុល្លារ និង ៦,៥០០,០០០រៀល
