នាល្ងាចថ្ងៃទី១៩ខែវិច្ឆិកា ឆ្នាំ២០២១ នេះ កងកម្លាំងនគរបាល នៃស្នងការដ្ឋាននគរបាលខេត្តកំពង់ស្ពឺ បានសហការការពារសន្តិសុខ សុវត្ថិភាព សណ្ដាប់ធ្នាប់ នៅវិមានឯករាជ្យ សួនច្បារសម្ដេចព្រះសង្ឃរាជជួនណាត និងបរិវេណជុំវិញទីស្នាក់ការគណបក្សប្រជាជនកម្ពុជា ផ្សារាត្រី។
ក្នុងឱកាសពិធីផ្សងការសំរក់ទៀន និងអកអំបុក សំពះព្រះខែ លោកឧត្តមសេនីយ៍ទោ សម សាមួន ស្នងការនគរបាលខេត្ដកំពង់ស្ពឺ បានអញ្ជេីញជាកិត្ដិយសចូលរួមអមដំណើរ ឯកឧត្ដម ប្រធានក្រុមប្រឹក្សាខេត្ដ ឯកឧត្ដម វុី សំណាង អភិបាល នៃគណៈអភិបាលខេត្ដ ព្រមទាំង ឯកឧត្ដម លោកជំទាវ សមាជិកក្រុមប្រឹក្សាខេត្ដ ឯកឧត្ដម លោកជំទាវ អភិបាលរងខេត្ដ អស់លោក លោកស្រី ជាប្រធានមន្ទីរ ស្ថាប័នជុំវិញខេត្តកំពង់ស្ពឺជាច្រើនរូបទៀត។
ពិធីបុណ្យអុំទូកបណ្ដែតប្រទីប សំពះព្រះខែ អកអំបុក នាឆ្នាំនេះ ទោះបីជារាជរដ្ឋាភិបាលកម្ពុជា មិនមានការប្រារព្ធពិធីនៅរាជធានីភ្នំពេញក៏ពិតមែន តែនៅតាមបណ្ដាខេត្ដ មានការរៀបចំជាលក្ខណៈប្រពៃណី ទៅតាមទំលៀមទំលាប់បុរាណខ្មែរនៅពិធីផ្សងប្រផ្នូលគឺការអុជទៀនសំរក់ដេីម្បីបួងសួងសុំទឹកភ្លៀង សេចក្ដីសុខ ចម្រេីនរុងរឿងជូនប្រជានុរាស្រ្ដនិងទឹកដីរបស់យេីងអោយជួបតែសេចក្ដីសុខ និងមានសុខសន្ដិភាពជារៀងរហូតតរៀងទៅ.។
