ភ្នំពេញ៖ នៅថ្ងៃទី១ខែធ្នូ ឆ្នាំ២០២១ឯកឧត្តម នាយឧត្តមសេនីយ៍ សែម សុវណ្ណនី អនុប្រធានគណៈកម្មាធិការជាតិ និងជាអគ្គនាយកមជ្ឈមណ្ឌលជាតិរក្សាសន្តិភាព បានចូលរួមពិធីក្រុងពាលី សាងសង់សួនតំបន់ប្រវត្តិកាលស្ថាបត្យកម្មវិមានឈ្នះឈ្នះ។
ការសាងសង់សួនប្រវតិ្តកាលនេះ គឺដាក់ចេញនូវប្រតិ្តសាស្ត្រយោធា និងខ្លឹមសារដំណើរការអនុវត្តនយោបាយឈ្នះឈ្នះ របស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ជាប្រមុខនាំមកសន្តិភាពពេញលេញនៅកម្ពុជា សួនតំបន់ប្រវតិ្តកាល នឹងបានផ្តល់អត្ថប្រយោជន៍ធំធេង ជាមួយព្រឹត្តិការណ៍ និងរឿងរ៉ាវទាំងឡាយ សម្រាប់ធ្វើការស្រាវជ្រាវ៕
