នៅព្រឹកថ្ងៃទី១៥ ខែមករា ឆ្នាំ២០២២ ឯកឧត្តម ស ថេត ប្រធានក្រុមការងារគណបក្សប្រជាជនកម្ពុជា ចុះជួយសង្កាត់បឹងទំពន់១ ខណ្ឌមានជ័យ បានអញ្ជេីញជាអធិបតី ក្នុងពិធីប្រកាសបញ្ចូលសមាជិកថ្មី ចំនួន ១១៤នាក់ ដែលបានចាកចេញពីអតីតគណបក្សប្រឆាំង ដោយស្ម័គ្រចិត្តមករួមរស់ជាមួយគណបក្សប្រជាជនកម្ពុជាជាមួយនោះដែរតំណាងអតីតសមាជិកអតីតគណបក្សប្រឆាំង បានឡេីងធ្វេីការប្តេជ្ញាចិត្ត ដោយអនុវត្តតាមគោលនយោបាយដ៏ត្រឹមត្រូវរបស់គណបក្ស
ប្រជាជនកម្ពុជានិងសន្យាបោះឆ្នោតជូនគណបក្ស
ប្រជាជនកម្ពុជា មូលហេតុនៃការចូលមករួមរស់ជីវភាពនយោបាយជាមួយគណបក្សប្រជាជនកម្ពុជា ដោយសារឃេីញជាក់ស្តែង អំពីការដឹកនាំដ៏ត្រឹមត្រូវរបស់ថ្នាក់ដឹកនាំ ការអភិវឌ្ឍន៍លេីគ្រប់វិស័យក្រោមការដឹកនាំរបស់សម្តេចតេជោនិងថ្នាក់
ដឹកនាំគណបក្សប្រជាជនកម្ពុជា ជាច្រេីនរូបទៀត ។
ក្នុងពិធីនេះដែរក៏មានការចូលរួមពីសំណាក់លោក លោកស្រីប្រធាន អនុប្រធាន ចុះជួយភូមិទាំង១១ នៃសង្កាត់បឹងទំពន់១ ខណ្ឌមានជ័យ និងសមាជិកសមាជិកាគណបក្ស ជាច្រេីនរូបទៀត។
ក្នុងឱកាសនោះដែរ ឯកឧត្តម ស ថេត ប្រធានក្រុមការងារគណបក្ស
ប្រជាជនសង្កាត់បឹងទំពន់១ បានផ្តាំការសួរសុខទុក្ខពីថ្នាក់ដឹកនាំទាំងអស់របស់គណបក្សប្រជាជនកម្ពុជា ជាពិសេសឯកឧត្តម ឃួង ស្រេងប្រធានគណបក្សប្រជាជនកម្ពុជារាជធានីភ្នំពេញ ដែលតែងតែយកចិត្តទុកដាក់ដល់សុខទុក្ខរបស់បងប្អូនប្រជាពលរដ្ឋនៅរាជធានីភ្នំពេញ។
គណបក្សប្រជាជនកម្ពុជា តែងតែបេីកចំហជានិច្ច ក្នុងការទទួលយកការសម្រេចចិត្តរបស់សមាជិកសមាជិកាអតីតគណបក្សដ៏ទៃ ស្ម័គ្រចិត្តមកចូលរួមជីវភាពនយោបាយជាមួយគណបក្សប្រជាជនកម្ពុជា ហេីយការសម្រេចចិត្តមកចូលរួមជាមួយគណបក្សប្រជាជននេះ គឺដោយសារការមេីលឃេីញជាក់ស្តែងអំពីការដឹកនាំដ៏ល្អ របស់គណបក្សប្រជាជនកម្ពុជា ឃេីញពីការអភិវឌ្ឍន៍ក្រោមការដឹកនាំរបស់គណបក្សប្រជាជនកម្ពុជា។
ឯកឧត្តម ប្រធានក្រុមការងារ បានបញ្ជាក់បន្ថែមថា បេីពុំមានគណបក្សប្រជាជននោះទេ ពិតជាមិនមានសន្តិភាព មិនមានការអភិវឌ្ឍន៍ និងគ្មានសន្តិសុខ សុវត្ថិភាពនោះទេ ជាពិសេសប្រជាពលរដ្ឋ ក្រោមការដឹកនាំរបស់គណបក្សប្រជាជនកម្ពុជា ដឹកនាំដោយសម្តេចតេជោ និងថ្នាក់ដឹកនាំគណបក្សប្រជាជនកម្ពុជា ជាច្រេីនរូបទៀត។
ឯកឧត្តម ប្រធាន បានណែនាំដល់ប្រជាពលដ្ឋទាំងអស់ សូមកុំជឿការបំពុល កុំជឿការញុះញង់ ដែលអាចបង្កឲ្យមានអសន្តិសុខដល់សង្គមជាតិ។
ឯកឧត្តមប្រធានបញ្ជាក់ថា ទីណាមានប្រជាពលរដ្ឋជួបទក្ខលំបាក តែងតែមានមុខមន្ត្រីគណបក្សប្រជាជន ដេីម្បីជួយដោះស្រាយជានិច្ច គឺមិនសន្យាចោលដូចគេនោះទេ។
ជាមួយនោះដែរ ឯកឧត្តម ប្រធាន ក៏បានបញ្ជាក់ជូនសមាជិកសមាជិកា ឱ្យបានយល់ និងដឹង អំពីសមិទ្ធផលដែលគណបក្សប្រជាជនកម្ពុជាបានធ្វេី និងកំពុងធ្វេីបន្ត ដូចជា។
១. រំដោះប្រទេសជាតិចេញពីរបបប្រល័យពូជសាសន៍
២.ការក៏សាងប្រទេសពីបាត
ដៃទទេរហូតដល់មានការ
អភិវឌ្ឍន៍ដូចសព្វថ្ងៃនេះ
៣.គោលនយោបាយឈ្នះឈ្នះ
៤.ការកសាងហេដ្ឋារចនា
សម្ព័ន្ធ ផ្លូវ ស្ពានថ្នល់ គ្រប់ទីកន្លែងតាមបណ្តាខេត្តក្រុង។
៥. ធ្វេីឱ្យប្រសេីរឡេីងនៅវិស័យអប់រំ ដេីម្បីជាមូលដ្ឋានក្នុងការបណ្តុះធនធានមនុស្ស ក្នុងការចូលរួមអភិវឌ្ឍន៍ប្រទេសជាតិ ឲ្យមានការរីកចម្រេីនដូចបណ្តាប្រទេសនានាក្នុងតំបន់ និងសាកលលោក
៦. ផែនការក្នុងការកាត់បន្ថយភាពក្រីក្រ
៧. ការរក្សាសន្តិសុខ សណ្តាប់ធ្នាប់សង្គម ត្រូវបានរក្សាការពារបានយ៉ាងល្អ ក្រោមការដឹកនាំរបស់រាជរដ្ឋាភិបាលកម្ពុជា។
ឯកឧត្តមប្រធានបានណែនាំដល់ក្រុមការងារទាំងអស់ ត្រូវតែយកចិត្តទុកដាក់ខ្ពស់ ក្នុងការផ្តល់សេវាសាធារណ:ជនប្រជាពលរដ្ឋឱ្យបានល្អ និងឆាប់រហ័ស ធានាឱ្យបាននូវសន្តិសុខ សណ្តាប់ធ្នាប់ល្អជូនប្រជាពលរដ្ឋ ជាពិសេសទទួលយកការរាយការណ៍ សំណូមពរ និងបញ្ហាប្រឈមនានារបស់បងប្អូនប្រជាពលរដ្ឋ ត្រូវតែយកសំណូមពរទាំងនោះមកសិក្សាដោះស្រាយនិងចាត់វិធានការជូនគាត់ឱ្យបានទាន់ពេលវេលា។
ក្រុមការងារចុះជួយតាមបណ្តាភូមិទាំងអស់ នៃសង្កាត់បឹងទំពន់១ ត្រូវតែចុះជួប និងសួរសុខទក្ខប្រជាពលរដ្ឋជាប្រចាំ ដោយផ្ទាល់ យ៉ាងសកម្ម ដេីម្បីសិក្សាស្វែងយល់អំពីការខ្វះខាត និងបញ្ហាប្រឈម។
ឯកឧត្តម ប្រធាន សូមកោតសរសេីរដល់សមាជិក សមាជិកា ក្រុមការងារគណបក្សប្រជាជន និងសមាជិកទេីបចូលថ្មីទាំងអស់ ដែលបានខិតខំ និងបម្រេីដោយស្ម័គ្រចិត្ត ចំពោះគណបក្សប្រជាជនកម្ពុជា ជាពិសេសត្រូវខិតខំបន្ថែម ដេីម្បីគណបក្សប្រជាជនកម្ពុជា ជាមួយនោះដែរឯកឧត្តម ប្រធាន ក៏បាននាំយកជាសម្ភារ: និងថវិកាមួយចំនួន ដេីម្បីចែកជូនសមាជិកថ្មីទាំង ១១៤នាក់ ផងដែរ ។
ជាកិច្ចបញ្ចប់ឯកឧត្តមប្រធានក៏បានអញ្ជេីញផ្តល់កាតសមាជិកគណបក្ស
ប្រជាជនកម្ពុជា ជូនដល់សមាជិកថ្មីទាំង១១៤នាក់៕
