សៀមរាប៖ នៅថ្ងៃទី២១ ខែមករា ឆ្នាំ២០២២ ឯកឧត្តមផល សាម៉ន, ឯកឧត្តម សែម រតន:, ឯកឧត្តម សែម រតនា និងលោកជំទាវ, ឯកឧត្តម ប្រាក់ សុទ្ធ និងលោកជំទាវ និងឯកឧត្តម លី វណ្ណរ៉ា តំណាងដ៏ខ្ពង់ខ្ពស់ ឯកឧត្តម សែម សុវណ្ណនី ប្រធានក្រុមការងាររាជរដ្ឋាភិបាល ចុះជួយ ឃុំខ្នារសណ្តាយ ស្រុកបន្ទាយស្រី ខេត្តសៀមរា បានចុះទៅពិនិត្យ និងវាស់វែងទទឹងផ្លូវភូមិ ទួលក្រឡាញ់ ដើម្បីស្ថាបនាផ្លូវប្រវែងជាង៩គីឡូម៉ែត្រ ទទឹង៦ម៉ែត្រសម្រួលដល់ការងារធ្វើដំណើររបស់ប្រជាពលរដ្ឋ ជាពិសេសបង្កឲ្យមានភាពងាយស្រួលសម្រាប់ការកសិផលរបស់ពួកគាត់ទៅកាន់ទីផ្សារ។
បន្ទាប់មកក្រុមការងារ បានចុះមកពិនិត្យនិងវាស់ប្រវែង ដើម្បីដាក់បង្គោលភ្លើងសូឡាបំភ្លឺផ្លូវចាប់ពីព្រំប្រទល់ឃុំព្រះដាក់ រហូតមកដល់ប្រាសាទបន្ទាយស្រី នៃឃុំខ្នារសណ្តាយ ដោយឲ្យឈ្មោះថា អំពូលបំភ្លឺភូមិឃុំមានសុវត្ថិភាព ដោយដាក់សង្ខាងផ្លូវចន្លោះពីអំពូលមួយទៅអំពូលគឺប្រវែង១៥ម៉ែត្រ ជាមួយគ្រោងនឹងដាំដើមក្ងោក និងផ្កាសាកូរ៉ា នៅតាមដងផ្លូវនេះផងដែរ។ បន្ទាប់មកក្រុមការចុះទៅចែកអំណោយជូនស្ត្រីទើបសម្រាលកូន រួចចំនួន៦គ្រួសារ នៅភូមិ កកោះជ្រុំ ឃុំខ្នារសណ្តាយ។
ចំពោះការស្ថាបនាផ្លូវ ការដាក់អំពូលបំភ្លឺផ្លូវ និងដាំដើមឈើអមសង្ខាងផ្លូវជាតិក្នុងឃុំខ្នារសណ្តាយ ស្រុកបន្ទាយស្រីនេះ មេភូមិ មេឃុំ យុវជន និងប្រជាពលរដ្ឋ បានសាទរ និងអរគុណ ឯកឧត្តម សែម សុវណ្ណនី ប្រធានក្រុមការងារ បានចុះមកអភិវឌ្ឍន៍នៅឃុំខ្នារសណ្តាយ មានការរីកចម្រើនខ្លាំង គឺមានផ្លូវ ជួយសង់ផ្ទះប្រជាពលក្រីក្រពីផ្ទះស្លឹកទៅជាផ្ទះស័ង្កសី និងបានចុះជួយដល់គ្រួសារក្រីក្រគ្រប់ខ្នងផ្ទះផងដែរ៕
