ថ្ងៃសុក្រ ១០កើត ខែមាឃ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី១១ ខែកុម្ភ: ឆ្នាំ២០២២ លោកឧត្តមសេនីយ៍ទោ អូត ស៊ីវុត្ថា ស្នងការនគរបាលខេត្ត បានអញ្ជើញចូលរួមក្នុងពិធីបិទវគ្គហ្វឹកហ្វឺនលំហាត់របៀប ដល់មន្ត្រីនគរបាលក្របខ័ណ្ឌថ្មី នៃស្នងការដ្ឋាននគរបាលខេត្តស្ទឹងត្រែង ដោយមានការអញ្ជើញចូលរួមពី លោកស្នងការរង លោកនាយ នាយរងការិយាល័យបុគ្គលិក លោកមេបញ្ជាការវរសេនាតូចនគរបាលការពារព្រំដែនគោកលេខ ៧០១ លោកអធិការនគរបាលក្រុង-ស្រុកទាំង៦នៅសាលប្រជុំស្នងការដ្ឋាននគរបាលខេត្ត ។
ថ្លែងក្នុងឱកាសនោះដែរ លោក ឧត្តមសេនីយ៍ទោ ស្នងការ ក៍បានចង្អុលបង្ហាញ និងផ្តល់អនុសាសន៍អំពីវិន័យ០០៦ របស់កងកម្លាំងនគរបាលជាតិ ត្រូវស្លៀកពាក់ឲ្យបានត្រឹមត្រូវជានគរបាល និងត្រូវយកមេរៀនដែលលោកគ្រូបង្គោលបានបង្ហាត់បង្រៀនទៅអនុវត្តឲ្យបានខ្ជាប់ខ្ជួននៅតាមអង្គភាពសាម៉ី ពិសេសត្រូវគោរពច្បាប់ គោរពវិន័យ និងបទបញ្ជារបស់ប្រមុខរាជរដ្ឋាភិបាល ។
យើងត្រូវរួមគ្នាទប់ស្កាត់ ការឆ្លងរាលដាលនៃជំងឺកូវីដ-១៩ ដោយត្រូវអនុវត្តតាមវិធានការសុខាភិបាល។
