កំពង់ស្ពឺ៖នារសៀលថ្ងៃទី ២៣ ខែតុលា ឆ្នាំ២០២០នៅសាលប្រជុំសាលាខេត្តអគារ(ខ) ឯកឧត្តមកិត្តិសេដ្ឋាបណ្ឌិតឆាយ ថនទេសរដ្ឋមន្ត្រី រដ្ឋមន្ត្រីក្រសួងផែនការនិងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺបានអញ្ជើញជាអធិបតីក្នុងពិធីសំណេះសំណាលនិងថ្លែងអំណរគុណចំពោះកងកម្លាំងទូទាំងខេត្តកំពង់ស្ពឺក្នុងការជួយសង្គ្រោះប្រជាពលរដ្ឋដែលរងគ្រោះដោយសារទឹកជំនន់។
ពិធីផងដែរក៏មានការអញ្ជើញចូលរួមពីឯកឧត្តមតំណាងរាស្ត្រមណ្ឌលខេត្តកំពង់ស្ពឺទាំង ៦រូប ឯកឧត្តមប្រធានក្រុមប្រឹក្សាខេត្ត ឯកឧត្តមអភិបាលខេត្តឯកឧត្តមលោកជំទាវ អភិបាលរងខេត្តលោកប្រធានមន្ទីរអង្គភាពពាក់ព័ន្ធនិងកងកម្លាំងក្នុងខេត្តកំពង់ស្ពឺ។
ក្នុងឱកាសពិធីសំណេះសំណាលនិងថ្លែងអំណរគុណនេះដែរឯកឧត្តមវ៉ី សំណាងអភិបាល នៃគណៈអភិបាលខេត្តកំពង់ស្ពឺបានអោយដឹងថា ក្រុង ស្រុកដែលបានរងផលប៉ះពាល់មានចំនួន ៨លើ៨ក្រុង.ស្រុក.ឃុំ.សង្កាត់ដែលបាន
រងផលប៉ះពាល់មានចំនួន៥៨លើ៨៧ឃុំសង្កាត់ និងភូមិដែលបានរងផលប៉ះពាល់មានចំនួន ២០៥លើ១.៣៧៩ភូមិគ្រួសារដែលបានរងគ្រោះផ្ទាល់ដោយទឹកជំនន់មានចំនួន២.៤២០គ្រួសារ ក្នុងនោះ៖
_គ្រួសារដែលរងគ្រោះធ្ងន់មានចំនួន២១២ គ្រួសារ(គ្រួសារដែលត្រូវបានជម្លៀសទៅកាន់ទីទួលសុវត្ថិភាព)គ្រួសារដែលរងគ្រោះមធ្យមមានចំនួន៥៦១.គ្រួសារចំពោះគ្រួសារដែលរងគ្រោះស្រាលមានចំនួន១.៦៤៧ គ្រួសារនេះបើយោងតាមរបាយការណ៍របស់គណៈកម្មាធិការគ្រប់គ្រងគ្រោះមហន្តរាយខេត្តគិតត្រឹមថ្ងៃទី២១ខែតុលា ឆ្នាំ២០២០នេះ ។
ក្នុងពិធីសំណេះសំណាលនេះដែរឯកឧត្តមកិត្តិសេដ្ឋាបណ្ឌិតឆាយ ថនទេសរដ្ឋមន្ត្រីរដ្ឋមន្ត្រីក្រសួងផែនការនិងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺបានធ្វើការថ្លែងអំណរគុណនិងវាយតម្លៃខ្ពស់ចំពោះកងកម្លាំងទាំងអស់ក្នុងខេត្តកំពង់ស្ពឺដែលបានលះបង់អស់តែកម្លាំងកាយចិត្តក្នុងការជួយសង្គ្រោះប្រជាពល
រដ្ឋរងគ្រោះដោយសារទឹកជំនន់នេះ និងបានពាំនាំនូវប្រសាសន៍ផ្តាំផ្ញើរ សួរសុខទុក្ខពីសំណាក់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលសម្តេចតែងគិតគូរដល់សុខទុក្ខប្រជាពលរដ្ឋគ្រប់ពេលវេលា និងថ្លែងអំណរគុណ កោតសរសើរ ចំពោះការខិតខំប្រឹងប្រែង របស់បងប្អូនយើងទាំងអស់គ្នា ដែលខិតខំយ៉ាងសស្រាក់សស្រាំ ក្នុងការជួយសង្គ្រោះដល់ជនរងគ្រោះ ក្នុងគ្រោះមហន្តរាយនេះ។
នាឱកាសនោះដែរអ្នកតំណាងរាស្ត្រមណ្ឌលកំពង់ស្ពឺក៏បានឧបត្ថម្ភថវិកាចំនួន១០.០០០.០០០៛ (ដប់លានរៀលគត់)អង្ករ ចំនួន២៣តោនមី ចំនួន២០០កេសនិងអាវពោងសុវត្ថិភាពចំនួន ៥០០អាវជូនរដ្ឋបាលខេត្តកំពង់ស្ពឺសម្រាប់ចែកជូនប្រជាពលរដ្ឋរងគ្រោះដោយជំនន់ទឹកភ្លៀងតាមបណ្តា ក្រុង-ស្រុកក្នុងខេត្តកំពង់ស្ពឺផងដែរ ៕
