នៅរសៀលថ្ងៃទី២៩ ខែមករា ឆ្នាំ២០២១ ឯកឧត្តម សោម ពិសិដ្ឋ អភិបាលខេត្តកែប ចុះពិនិត្យការ កែលម្អសោភ័ណភាពបរិស្ថាន នៅអនុវិទ្យាល័យ ហ៊ុន សែន ក្រុងកែប ដែលស្ថិត នៅភូមិកែប សង្កាត់កែប ក្រុងកែប ខេត្តកែប
ការកែរលម្អបរិវេណសាលាអនុវិទ្យាល័យ ហ៊ុន សែន ក្រុងកែប នេះ គឺដេីម្បីបង្កេីតឲ្យមានអនាម័យបរិស្ថាន សុវត្ថិភាព របស់សិស្សានុស្សដោយមានការរៀបចំបន្ទប់ទឹកថ្មី ដាំដេីមឈេីបង្កេីតភាពបៃតង សាងសង់នៅហេដ្ឋារចនាសម្ព័ន្ធថ្មីមួយចំនួន នឹងធ្វេីអោយសាលានេះក្លាយជាសាលាគំរូ និងដាក់បញ្ចូលក្នុងការប្រឡងប្រណាំងជាមួយសាលាកម្រិតថ្នាក់ជាតិ ។
ឯកឧត្តមអភិបាលខេត្ត បានលេីកឡេីងថា ចំពោះថវិកាសម្រាប់ចំណាយក្នុងកែលម្អសោភ័ណភាពបរិស្ថាន ក្នុងសាលានេះ គឺជាថវិការបស់ឯកឧត្តមផ្ទាល់ និងមានការចូលពីក្រុមការងារ ឯកឧត្តម លោកជំទាវ លោក លោកស្រីប្រធានមន្ទីរអង្គភាពក្នុងខេត្តផងដែរ។ ថវិកាដែលត្រូវចំណាយក្នុងការរៀបចំនេះ សរុបប្រមាណ៣០,០០០ដុល្លា។
ក្នុងឱកាសនេះផងដែរ ឯកឧត្តមអភិបាលខេត្ត បានអំពាវនាវដល់ទ្រង់ឯកឧត្តម លោកជំទាវ លោក លោកស្រីសប្បុរសជនទាំងអស់ សូមចូលរួមឧបត្ថម្ភគាំទ្របន្ថែមទៀត នូវថវិកាដែលនៅខ្វះខាតនេះ៕
ឯកឧត្តម សង្ឃឹមថា លោកគ្រូ អ្នកគ្រូទាំងអស់ និងយកចិត្តទុកដាក់ខិតខំបណ្តុះបណ្តាលចំណេះដឹងដល់សិស្ស និងជួយថែរក្សាសោភ័ណភាពបរិស្ថានក្នុងសាលា អោយក្លាយជាសាលាគំរូ និងដាក់បញ្ចូលជាសាលាកុមារមេត្រី ក្នុងពេលខាងមុខ៕
