ព្រឹកថ្ងៃទី០២ ខែកុម្ភៈ ឆ្នាំ២០២១លោកជាពិសីអភិបាលនៃគណៈអភិបាលខណ្ឌឬស្សីកែវនិងមន្ត្រីរាជការនៃរដ្ឋបាលខណ្ឌប្ញស្សីកែវ រួមទាំង រដ្ឋបាលសង្កាត់ចំនួន០៤ បានចូលរួមអមដំណើរ ឯកឧត្តម អូស្មាន ហាស្សាន់ ទេសរដ្ឋមន្រ្តីទទួលបន្ទុកបេសកម្មពិសេស និងជាប្រធានអង្គការមូលនិធិអភិវឌ្ឍន៍មុស្លិមកម្ពុជា អញ្ជើញសំណេះសំណាល សួរសុខទុក្ខ និង ចែកអំណោយជូនប្រជាពលរដ្ឋដែលមានជីវភាពខ្វះខាតរស់នៅខណ្ឌឫស្សីកែវ រាជធានីភំ្នពេញ ចំនួន ៥០០ គ្រួសារ ដែលមកពី ៤ សង្កាត់ រួមមាន សង្កាត់ឫស្សីកែវ ១៥០ គ្រួសារ សង្កាត់ទួលសង្កែ១ ១៥០គ្រួសារ សង្កាត់ទួលសង្កែ២ ១០០ គ្រួសារ និង សង្កាត់គីឡូម៉ែត្រ៦ ១០០គ្រួសារ។
អំណោយទាំងនេះ ទទួលបានការឧបត្ថម្ភពី Muslim Welfare Organization Malaysia សហការរៀបចំដោយ អង្គការមូលនិធិអភិវឌ្ឍន៍មុស្លិមកម្ពុជា (CMDF) សមាគមអភិវឌ្ឍន៍នារីឥស្លាមកម្ពុជា(CIWODA) សមាគម សម្ព័ន្ធយុវជនមុស្លិមកម្ពុជា (CMYA) សហភាពបញ្ញវន្តមុស្លិមកម្ពុជា (CMIU) ដែលក្នុងមួយគ្រួសារទទួលបាន អង្ករ ២០ គីឡូក្រាម ជែលលាងដៃ ៥០០មល ០១ ដប និង ម៉ាស់មួយដុំ៕
