នៅថ្ងៃអង្គារ ៥រោច ខែមាឃ ឆ្នាំជូត ទោស័ក ព.ស.២៥៦៤ត្រូវនឹងថ្ងៃទី០២ ខែកុម្ភៈ ឆ្នាំ២០២១ វេលាម៉ោង១៥:០០នាទីរសៀល លោក វរសេនីយ៍ឯក ជឹម ស៊ីថា អធិការនគរបាលខណ្ឌដង្កោ បានដឹកនាំកម្លាំងផ្នែកអត្តសញ្ញាណកម្ម និងកម្លាំងប៉ុស្តិ៍នគរបាលរដ្ឋបាលព្រៃវែងចុះចែកអត្តសញ្ញាណប័ណ្ណសញ្ជាតិខ្មែរគំរូថ្មីជូនដល់ប្រជាពលរដ្ឋដែលស្នាក់នៅក្នុងអង្គការភាពញញឹមស្ថិតនៅភូមិកំរៀងសង្កាត់ព្រៃវែង ខណ្ឌដង្កោ រាជធានីភ្នំពេញ បានចំនួន ១៦សន្លឹក។
ក្នុងការចុះចែកនេះមានប្រជាពលរដ្ឋចូលរួម ៥៤នាក់ ប្រុស ២៨នាក់ ។
ក្នុងឱកាសនោះដែរ លោកអធិការក៏បាននាំយកនូវពាក្យផ្ដាំផ្ញើសួរសុខទុក្ខរបស់ឯកឧត្តម ឧត្ដមសេនីយ៍ឯក ស ថេត អគ្គស្នងការរង និងជានគរបាលរាជធានីភ្នំពេញ ដល់បងប្អូនប្រជាពលរដ្ឋដូចជា:
១. សូមបងប្អូនថែទាំអនាម័យជាប្រចាំ ដើម្បីបង្ការ ទប់ស្កាត់ការរីករាលដាល នៃជម្ងឺឆ្លងកូវីដ-១៩ ។
២. បានផ្សព្វផ្សាយពីអនុក្រឹត្យលេខ ៣៩ អនក្រ.បក ចុះថ្ងៃទី ១៧ខែមីនា ឆ្នាំ ២០២០ ស្តីពីការកែសម្រួលអនុក្រឹត្យលេខ៤៤អនក្រ.បក ចុះថ្ងៃទី២១ខែមីនា ឆ្នាំ ២០១៧ ស្តីពីការពិន័យអន្តរការណ៍ចំពោះករណីល្មើសដែលបង្កគ្រោះថ្នាក់ចរាចរណ៍ដល់បងប្អូនឲ្យបានយល់ដឹងបន្ថែមទៀត។
៣. បានផ្សព្វផ្សាយគោលនយោបាយ “ភូមិ-ឃុំ-សង្កាត់មានសុវត្ថិភាព” លេខ០១គនប ចុះថ្ងៃទី២៦ ខែមករា ឆ្នាំ២០២១ របស់រាជរដ្ឋាភិបាលកម្ពុជាទាំង ៧ចំណុច ជូនបងប្អូនប្រជាពលរដ្ឋនិងបានណែនាំនៅឲ្យឆ្ងាយពីគ្រឿងញៀនហេីយត្រូវរាយការណ៍និងសហការណ៍ជាមួយសមត្ថកិច្ចបេីមានករណី ប្រេីប្រាស់ ជួញដូរ ចែកចាយគ្រឿងញៀន ល្បែងស៊ីសង និងការប្រេីអំពេីហឹង្សាក្នុងគ្រួសារនៅមូលដ្ឋាន។
