ឯកឧត្តម សោម ពិសិដ្ឋ អភិបាលនៃគណៈអភិបាលខេត្ត និងជាប្រធានគណៈកម្មាធិការសម្របសម្រួលបច្ចេកទេសក្រុមប្រឹក្សាខេត្ត មានប្រសាសន៍ថា ដើម្បីឲ្យដំណើរការនៃការរៀបចំកម្មវិធីវិនិយោគបីឆ្នាំរំកិល(២០២១-២០២៣)របស់រដ្ឋបាលខេត្ត មានប្រសិទ្ឋភាព មានភាពជាក់លាក់ មានការចូលរួម និងមានសង្គតិភាពជាមួយក្របខ័ណ្ឌអភិវឌ្ឍន៍ ជាពិសេសស្របតាមសេចក្តីណែនាំបច្ចេកទេស ដែកដាក់ឲ្យប្រាស់ដោយប្រកាសអន្តរក្រសួង រវាងក្រសួងមហាផ្ទៃ និងក្រសួងផែនការ សេចក្តីព្រាងនេះ ចាំបាច់ត្រូវតែមាន កិច្ចពិភាក្សា ត្រួតពិនិត្យ និងផ្តល់យោបល់ដោយគណៈកម្មាធិការសម្របសម្រួលបច្ចេកទេសក្រុមប្រឹក្សាខេត្ត។
ក្នុងសេចក្តីថ្លែងហេតុ ដែលរាយការណ៍ដោយ លោក គង់ សាវ៉ាត ប្រធានមន្ទីរផែនការខេត្ត បានបង្ហាញអង្គប្រជុំនូវនិតីវិធីពីការកសាងកម្មវិធីវិនិយោគបីឆ្នាំរំកិលខេត្តនិងធ្វេីការប្រៀបធៀបជាមួយកិច្ចដំណេីរការដែលក្រុមការងារបានរៀបចំកន្លងមក។
ក្នុងនោះក៏បានបង្ហាញពីទម្រង់សៀវភៅ មាតិកា និងទិន្នន័យផ្សេងៗ ថ្មីដែលធ្វេីបច្ចុប្បន្នភាពចុងក្រោយ ជូនសមាជិកសមាជិកា ដេីម្បីពិនិត្យ និងផ្តល់យោបល់ផងដែរ។
ក្រោយពីបានពិនិត្យ និងផ្តល់យោបល់ដោយសមាជិកសមាជិកាគណៈកម្មាធិការួចមកឯកឧត្តមអភិបាលខេត្តនិងជាប្រធានគណៈកម្មាធិការ បានប្រគល់កិច្ចការកែសម្រួលជូនក្រុមការងារកសាងផែនការខេត្ត រៀបចំសេចក្តីព្រាងនេះដាក់ជូនក្រុមប្រឹក្សាខេត្តពិនិត្យ និងអនុម័តបន្តទៀត៕
