-នៅព្រឹកថ្ងៃទី ១៧ ខែ កុម្ភៈឆ្នាំ ២០២១ នេះនៅបរិវេណស្នងការដ្ឋាននគរបាលខេត្តបាត់ដំបងមន្រ្តីនគរបាលការិយាល័យនគរបាលប្រឆាំងបទល្មើសសេដ្ឋកិច្ចបានទទួលការបណ្តុះបណ្តាលពង្រឹងសមត្ថភាពជំនាញស្តីពីនីតិវិធីស៊ើបអង្កេតប្រឆាំងបទល្មើសសេដ្ឋកិច្ចរយៈពេល០៣ថ្ងៃ។
អញ្ជើញជាអធិបតីក្នុងពិធីបើកវគ្គនេះមានលោកឧត្តមសេនីយ៍ទោឡុង ស្រេងអនុប្រធាននាយកដ្ឋាន នគរបាលប្រឆាំងបទល្មើសសេដ្ឋកិច្ចលោកឧត្តមសេនីយ៍ទោ សួន ណារ៉ាអនុប្រធាននាយកដ្ឋាននគរបាលប្រឆាំងបទល្មើសសេដ្ឋកិច្ចលោកវរសេនីយ៍ឯកអូន ហ្វៃ ស្នងការរងតំណាងលោកឧត្តមសេនីយ៍ទោស្នងការនគរបាលខេត្តបាត់ដំបង ។
ក្នុងប្រសាសន៍បើកវគ្គបណ្តុះបណ្តាលនេះលោកឧត្តមសេនីយ៍ទោឡុង ស្រេង បានណែនាំឱ្យសិក្ខាកាមក្នុងវគ្គបណ្តុះបណ្តាលនេះទាំងយកចិត្តទុកដាក់ស្តាប់គ្រូឧទ្ទេសនាមលើមេរៀននិងមុខជំនាញដែលនឹង ត្រូវយកមកផ្សព្វផ្សាយនាពេលនេះ ហើយអ្វីដែលលោកចង់បានបំផុតនោះគឺចង់ឱ្យសិក្ខាកាមទាំងអស់ បំផុសនូវសំណូរឱ្យបានច្រើនក្នុងពេលសិក្សានេះ ព្រោះថាបើយើងអង្គុយចាំតែស្តាប់តែម៉្យាងនោះ ពិតជាយើងមិនទទួលបាននូវការចងចាំឱ្យបានច្រើននោះទេប៉ុន្តែបើយើងបំផុសនូវសំណូរដែលចេញអំពីការគឺត របស់យើងនោះពិតជាយើងចងចាំបានយូរហើយច្បាស់លាស់បំផុតនៅពេលយើង អនុវត្ត៕
