ខេត្តមណ្ឌលគិរី៖ នាព្រឹកថ្ងៃពុធ ៥រោច ខែផល្គុន ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី០៣ ខែមីនា ឆ្នាំ២០២១ ក្រុមការងារថ្នាក់ជាតិ ដឹកនាំដោយ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន អមដំណើរដោយ ឯកឧត្តម ស្វាយ សំអ៊ាង អភិបាលនៃគណៈអភិបាលខេត្តមណ្ឌលគិរី លោកឧត្តមសេនីយ៍ទោ ឡោ សុខា ស្នងការនគរបាលខេត្ត លោកឧត្តមសេនីយ៍ត្រី ហែម បូណារ៉ែល មេបញ្ជាការកងរាជអាវុធហត្ថខេត្ត លោកវរសេនីយ៍ឯក ហួត រិទ្ធ មេបញ្ជាការរងតំបន់ប្រតិបត្តិការសឹករងខេត្ត និងមានការចូលរួមពីមណ្តា អង្គភាព មន្ទីរជំនាញពាក់ព័ន្ធជុំវិញខេត្ត អាជ្ញាធរស្រុកកែវសីមា និងកងកម្លាំងប្រដាប់អាវុធទាំង០៣ បានអញ្ជេីញចុះពិនិត្យ និងសួរសុខទុក្ខ ដល់ក្រុមការងារវាស់វែងដីធ្លីថ្នាក់ជាតិ នៅចំណុចស្ពាន រ៉ាង ស្ថិតក្នុងភូមិចក់ចារ ឃុំស្រែឈូក និងចំណុចត្រពាំងទូកស្ថិតក្នុងភូមិអូច្រារ ឃុំស្រែព្រះ ស្រុកកែវសីមា ខេត្តមណ្ឌលគិរី ៕
