នៅព្រឹកថ្ងៃអាទិត្យទី០៤ខែកញ្ញាឆ្នាំ២០២២ ខ្ញុំបានដឹកនាំក្រុមការងារសប្បុរសធម៌ក្តីសង្ឃឹម និងក្រុមការងារសប្បុរសធម៌ដេីម្បីសុភមង្គលកម្មករ បាននាំយកសម្ភារៈសិក្សា ចែកជូនដល់សិស្សានុសិស្សចំនួន២៥០នាក់និងលោកគ្រូអ្នកគ្រូចំនួន៨នាក់នៅសាលាបឋមសិក្សាស្រែកិន ដែលមានទីតាំងនៅភូមិស្រែកិន ឃុំត្រពាំជោរ ស្រុកឱរ៉ាល់ ខេត្តកំពង់ស្ពឺ ។ ការចូលរួមចែករំលែកក្តីស្រលាញ់ដល់ក្មួយៗសិស្សានុសិស្សទាំងអស់នេះ ក៏មានការចូលរួមពីសប្បុរសជននានាផងដែរ ។
គួរបញ្ជាក់ថា៖ សម្ភារៈសិក្សាដែលសិស្សានុសិស្សទទួលបានក្នុងម្នាក់ៗទទួលបាន៖ សៀវភៅ៣ក្បាល, ប៊ិច ២, ខ្មៅដៃ២,ប្រដាប់ខួងខ្មៅដៃ១, ជ័រលុប១, ទឹកលុប១, បន្ទាប់១, កាបូបប្លាស្ទិច១ និងអាយឺត១។
ចំណែកសិស្សពូកែ ចំនួន ២០នាក់ ទទួលបាន សម្លៀកបំពាក់សិស្ស ១កំប្លេ, ស្បែកជើង ១គូរ, កាបូបស្ពាយមួយ, និងសម្ភារៈសិក្សា ១ឈុត។
ដោយឡែកសិស្សម្នាក់ ដែលគ្រួសារមានជីវភាពក្រីក្រ និងផ្ទះនៅឆ្ងាយពីសាលា គ្មានមធ្យោបាយធ្វើដំណើរមករៀន ទទួលបាន កង់១ សម្លៀកបំពាក់ ១ឈុត ស្បែកជើង ១គូរ និងសម្ភារៈសិក្សា ១ឈុត ។
ចំពោះលោកគ្រូអ្នកគ្រូ ចំនួន ៨នាក់ ក្នុងម្នាក់ៗទទួលបាន៖ កាបូបយួរដៃ១ និងថវិកា ៤ម៉ឺនរៀល និងជូនលោកគ្រូនាយកសាលា ចំនួន ១លានរៀល សំរាប់ការចំណាយផ្សេងៗក្នុងសាលារៀន កាបូបសិស្ស ចំនួន ៥០ និងសម្ភារៈសិក្សា ចំនួន ៥០ឈុត សម្រាប់ផ្តល់ជូនសិស្សដែលរៀនពូកែប្រចាំខែ និងម៉ាសមួយចំនួនសម្រាប់ជូនដល់លោកគ្រូអ្នកគ្រូប្រើប្រាស់ប្រចាំថ្ងៃផងដែរ៕
