ខេត្តតាកែវ : កាលពីព្រឹកថ្ងៃសុក្រ ទី០៧ ខែមេសា ឆ្នាំ ២០២៣ ឯកឧត្តម អ៊ូច ភា អភិបាល នៃគណៈអភិបាលខេត្តតាកែវ រួមជាមួយលោកអភិបាលរង និងមន្ត្រីជំនាញពាក់ព័ន្ធ បានទទួលជួបសំណេះសំណាលជាមួយ ឯកឧត្តម ម៉ាយ វាំងហ្វិញ អនុលេខាប្រចាំការគណកម្មាធិការបក្សខេត្ត និងជាប្រធានក្រុមប្រឹក្សាប្រជាជនខេត្តគៀងយ៉ាង ដើម្បីសំដែងនូវការអបអរសាទរ និងជូនពរនៅក្នុងឱកាសបុណ្យចូលឆ្នាំប្រពៃណីជាតិខ្មែរ ឆ្នាំ២០២៣ នាពេលខាងមុខនេះ ។
ថ្លែងក្នុងការជួបសំណេះសំណាលនេះផងដែរ ឯកឧត្តម អ៊ូច ភា អភិបាល នៃគណអភិបាលខេត្តតាកែវ ក៏បានសម្តែងនូវការស្វាគមន៍ ចំពោះគណៈប្រតិភូខេត្តអានយ៉ាង ដែលបានដឹកក្រុមការ ងារ ចូលជួបសំណេះសំណាលសាកសួរសុខទុក្ខ ដូចជាការផ្តាំពីសំណាក់ថ្នាក់នាំខ្លួន ជម្រាបជូនរដ្ឋបាលខេត្តនាពេលនេះ ។
ជាមួយគ្នានោះផងដែរ ឯកឧត្តមអភិបាល បានក៏លើកឡើង ពីប្រទេសកម្ពុជា និងត្រូវត្រៀមខ្លួន ធ្វើជាម្ចាស់ផ្ទះស៊ីហ្គេម នៅខែក្រោយនេះ មកជម្រាបជូនថ្នាក់នាំខេត្តអានយ៉ាង និងគោរពអញ្ជេីញបងប្អូនភ្ញៀវជាតិ និងអន្តរជាតិទាំងអស់ចូលរួមទស្សនា ឲ្យច្រេីនកុះករ ក្នុងព្រឹត្តិការស៉ីហ្គេមខាងមុខនេះ ដោយក្នុងនោះឯកឧត្តមអភិបាលខេត្ត ក៏បានជម្រាបជូនផងដែរថា ដោយកិច្ចខិតខំប្រឹងប្រែងយកចិត្តទុកដាក់ ក៏ដូចជាការលេីកកម្ពស់វិស័យកីឡាកម្ពុជា ឲ្យកាន់តែរីកចម្រេីន ក្នុងនោះសម្តេចតេជោហ៊ុនសែន នាយករដ្ឋមន្ត្រី នៃព្រះរាជាណាចក្រកម្ពុជា គឺលោកបើកអោយបងប្អូនប្រជាពលរដ្ឋ អ្នកគាំទ្រជាតិ និងអន្តរជាតិទាំងអស់ចូលរួមទស្សនាដោយសេរី ដោយមិនគិតថ្លៃឡើយទៀតផង ។
